બરપેટાઃ આસામમાં પૂરની સ્થિતિ વણસી ગઈ છે. 26 જિલ્લાઓમાં 31.54 લાખથી વધુ લોકો પ્રભાવિત થયા છે.બારપેટાની વાત કરીએ તો જિલ્લામાં પૂરથી લગભગ 5.50 લાખ લોકો અને 487 ગામો પ્રભાવિત થયા છે.જિલ્લાની કુલ 26684.50 હેક્ટર પાકની જમીન હાલમાં પૂરના પાણી હેઠળ છે. ભીષણ પૂરના કારણે જિલ્લાના હજારો ખેડૂતોને ભારે નુકસાન થયું છે. વિસ્તારના દરેક ઘર પૂરના પાણીમાં ડુબી ગયા છે. ગામલોકો આશરો લઈ શકે એવી કોઈ જગ્યા નહોતી, દરેક વિસ્તાર પૂરથી ભરાઈ ગયો હતો. ઘણા લોકો હંગામી શેડ બનાવીને રસ્તા પર આશરો લઈ રહ્યા છે.
પૂરના કારણે પાકને નુકસાન થયું છે. ઘણા ગામના લોકો રોજની રોજીરોટી માટે મજૂરી કરે છે. પૂરના કારણે ગ્રામજનોને વધુ મુશ્કેલીનો સામનો કરવો પડી શકે છે. આસામ સ્ટેટ ડિઝાસ્ટર મેનેજમેન્ટ ઓથોરિટી (ASDMA) અનુસાર, રાજ્યના 26 જિલ્લાઓમાં 2675 ગામો અને 91349 હેક્ટર પાકની જમીન હજુ પણ પૂરના પાણી હેઠળ છે. રાજ્યમાં આ વર્ષે અત્યાર સુધીમાં વિનાશક પૂર અને ભૂસ્ખલનના કારણે 151 લોકોના મોત થયા છે. રાજ્યમાં કુદરતી આફતને કારણે 28 જિલ્લાઓમાં 33.03 લાખથી વધુ લોકો પ્રભાવિત થયા છે. આ વર્ષે રાજ્યમાં પૂર અને ભૂસ્ખલનમાં કુલ 117 લોકોએ જીવ ગુમાવ્યા છે. જેમાંથી 100 લોકો એકલા પૂરમાં મૃત્યુ પામ્યા હતા, જ્યારે બાકીના 17 લોકો ભૂસ્ખલનને કારણે મૃત્યુ પામ્યા હતા.
