सुवा : फिजी शुगर कार्पोरेशनच्या (एफएससी) मागणीनुसार साखरेच्या दरात कोणत्याही प्रकारची वाढ करण्यास फिजी कामगार पार्टीने (एफएलपी) जोरदार विरोध केला आहे. एफएलपीचे नेते महेंद्र चौधरी यांनी सांगितले की फिजी शुगर कार्पोरेशनने फिजीमधील प्रतिस्पर्धी आणि ग्राहकांच्या आयोगाला स्थानिक स्तरावर साखरेच्या दरात वाढ करण्याची जोरदार मागणी केली आहे. मात्र, हे दर जवळपास दुप्पट आहेत. त्यामुळे एफएलपीने याचा विरोध करण्याचा निर्णय घेतला आहे.
खाद्यपदार्थांच्या वस्तूंची दरवाढ करण्याची ही वेळ नाही. साखर ही एकप्रकारे जीवनावश्यक वस्तू आहे. ही किंमतीच्या दृष्टीने मूल्यवर्धीत वस्तूही आहे. चौधरी यांनी सांगितले की, साखरेची दरवाढ केल्यानंतर त्याचा परिणाम गरिबांच्या जीवनावर होईल. आधीच गरीब कुटुंबे दैनंदिन आयुष्यात अडचणींचा सामना करीत आहेत. याशिवाय साखरेच्या दरवाढीमुळे इतर अनेक उत्पादकांच्या उत्पादन खर्चात वाढ होणार आहे. साखरेचा वापर करून तयार केली जाणारी बिस्किटे, मिठाई, शितपेये, चटणी, डब्बाबंद खाद्यपदार्थ यांच्याही किमतीत वाढ होऊ शकेल. अशा प्रकारची दरवाढ सहन करण्याची लोकांची मानसिकता नाही असे त्यांनी सांगितले.
चीनीमंडी चे अपडेट्स व्हाट्सअप वर मिळवण्यासाठी खालील लिंक वर क्लिक करा
WhatsApp Group Link
