पूरनपुर : प्रगत प्रजातीचा ऊस उपलब्ध नसल्याने रात्री दहा वाजता पुरनपूर साखर कारखाना बंद करण्यात आला. दुसऱ्या दिवशीही सायंकाळी चार वाजेपर्यंत ऊस न मिळाल्याने कारखाना सुरू होवू शकला नाही. ऊस विभागाच्या उपायुक्तांनी बरेलीहून येवून शेतकऱ्यांशी चर्चा केली. त्यानंतर सामान्य प्रजातीच्या उसाचे वजन करण्यास सुरुवात करण्यात आली. त्यानंतरही कारखाना सुरू होवू कला नाही.
अमर उजालामध्ये प्रकाशित वृत्तानुसार, साखर कारखान्याला ऊस पुरवठा करण्यासाठी शेतकरी गेटवर उपस्थित होते. खरेदी केंद्रांतून आलेला अनेक ट्रॉली ऊसही कारखान्याच्या यार्डमध्ये शिल्लक होता. मात्र, प्रगत प्रजातीच्या वाणाऐवजी सामान्य प्रजातीचा ऊस खरेदी करण्याबाबत निर्बंध असल्याने अधिकाऱ्यांनी हा ऊस स्वीकारण्यास नकार दिला. परिणामी रात्री दहा वाजता नो के स्थिती निर्माण होऊन कारखाना बंद करावा लागला. गेटवर प्रगत वाणाचा ऊस उपलब्ध नव्हता. ऊस उपायुक्त आल्यानंतर सामान्य प्रजातीचा ऊस स्वीकारण्यास परवानगी देण्यात आली. मात्र, बॉयलर गरम नसल्याने कारखाना सुरू होऊ शकला नाही. या काळात ऊसाचे वजन करण्याचे काम सुरू करण्यात आले होते. कारखान्याचे सर व्यवस्थापक रमाकांत शर्मा यांनी सांगितले की, आता पुरेसा ऊस आहे. बॉयलरसाठी पुरेसे प्रेशर तयार केले जात आहे. लवकरच कारखाना सुरू होईल.
