मनिला : नॅशनल फेडरेशन ऑफ शुगरकेन प्लांटर्सचे (एनएफएसपी) एनरिक रोजस, कन्फेडरेशन ऑफ शुगर प्रोड्यूसर्स असोसिएशन (कॉन्फेड) चे ऑरेलियो वाल्डेरामा ज्युनिअर आणि Panay Federation of Sugarcane Farmers चे डॅनिलो एबेलिटा यांच्या नेतृत्वाखालील समुहाने साखर नियामक प्रशासन (SRA) आणि कार्बोनेटेड शीत पेय (CSD) उद्योगाला जनतेसमोर वास्तव आणि अनुमानीत साखर उत्पादन आणि खपाची आकडेवारी सादर करण्याची मागणी केली आहे. शीत पेय कंपन्यांद्वारे राष्ट्रपती फर्डिनेंड मार्कोस ज्युनिअर यांच्याकडून २०२३ च्या पहिल्या तिमाहीत एक पूरक आयात कार्यक्रम सुरू करण्याची मागणी केल्यानंतर हे निर्देश आले आहेत. सध्याचे साखरेचे संकट रोखले जावे आणि साखरेच्या किमती स्थिर व्हाव्यात यासाटी हे प्रयत्न आहेत.
६ जानेवारी रोजी राष्ट्रपतींना लिहिलेल्या पत्रात कोका-कोला बेव्हरेजेस, पेप्सी-कोला प्रॉडक्ट्स आणि एआरसी रिफ्रेशमेंट (आरसी कोला उत्पादकांचे निर्माते) यांपासून तयार सीएसडी उद्योगाने सांगितले की, सध्याची साखर इन्व्हेंट्री दुसऱ्या तिमाहीपर्यंत सुरू राहील असे अनुमान आहे. आणि यातून त्यांच्या व्यवस्थापनावर गंभीर संकट निर्माण होईल. सीएसडी उद्योग ९० टक्क्यांहून अधिक औद्योगिक वापरकर्त्यांचे प्रतिनिधीत्व करतात. त्यांना उत्पादनासाठी प्रीमियम-ग्रेड रिफाइंड साखरेची गरज भासते.
