कीव : युक्रेनने २०२४-२५ हंगामामध्ये ५,८०,००० टन साखर निर्यात केली आहे. देशाच्या एकूण साखर उत्पादनाच्या तुलनेत निर्यातीचे हे प्रमाण ३२ टक्के आहे, असे युक्रेनच्या राष्ट्रीय साखर उत्पादक संघाने म्हटले आहे. मात्र, मागील वर्षाच्या तुलनेत निर्यातीत १६ टक्के घट झाल्याचे आकडेवारीवरून दिसते. मागील वर्षी एकूण ६,९२,००० टन साखर निर्यात झाली होती.
चालू विपणन वर्षात युक्रेनियन साखरेच्या निर्यातीची प्रमुख ठिकाणे अशी…
युरोपियन युनियन – १७ टक्के
तुर्की – १४ टक्के
लीबिया – १० टक्के
उत्तरी मैसेडोनिया – ८ टक्के
लेबनान – ५ टक्के
सोमालिया – ५ टक्के
युरोपियन युनियनमध्ये बल्गेरिया हा अव्वल खरेदीदार म्हणून उदयास आला आहे. बल्गेरियाने युक्रेनमधून एकूण युरोपियन युनियनच्या आयातीपैकी ५९ टक्क्यांचा वाटा उचलला. युक्रेनियन शेतकऱ्यांनी आगामी २०२५-२६ हंगामात प्रक्रिया करण्यासाठी शुगर बीटची काढणी सुरू केली आहे. शुगर बीटचे पेरणी क्षेत्र १९८,००० हेक्टर आहे आणि राष्ट्रीय साखर उत्पादन १.५ दशलक्ष टनांपर्यंत पोहोचण्याचा अंदाज आहे.
