પરભણી (મહારાષ્ટ્ર): શનિવારે, પરભણી જિલ્લાના પાથરી તાલુકાના પોખરની પાટીમાં ખેડૂતોએ શેરડીના પ્રતિ ટન રૂ. 3,000 ભાવની માંગણી સાથે રસ્તો રોક્યો હતો. ઘટનાસ્થળે મોટી સંખ્યામાં પ્રદર્શનકારીઓ એકઠા થયા હતા. ખાંડ મિલ મેનેજમેન્ટ સાથે વાટાઘાટો અને તેમની માંગણીઓ પૂર્ણ થયા પછી જ વિરોધ પ્રદર્શન પાછું ખેંચવામાં આવ્યું હતું.
પરભણી જિલ્લાની સાત ખાંડ મિલોએ આ વર્ષે શેરડીના ભાવ જાહેર કર્યા ન હતા. ખેડૂતોએ અગાઉ શેરડીના ભાવ માટે આઠ દિવસની મુદત આપી હતી, પરંતુ મિલ માલિકો અને વહીવટકર્તાઓએ હજુ સુધી ભાવ જાહેર કર્યા નથી. પરિણામે, સ્વાભિમાની કિસાન સંગઠન અને કિસાન સભાએ શનિવારે રસ્તા રોકો શરૂ કર્યો. જિલ્લાના વિવિધ ભાગોના ખેડૂતો સવારે ૧૧ વાગ્યાથી પોખરની પાટીમાં વિરોધ પ્રદર્શનમાં જોડાયા હતા.
