नवी दिल्ली : केंद्रीय कृषी मंत्री शिवराज सिंह चौहान यांनी भारतीय कृषी संशोधन परिषदेने (ICAR) विकसित केलेल्या २५ पिकांच्या १८४ नवीन वाणांचे अनावरण केले. या प्रसंगी चौहान म्हणाले, ICAR, कृषी विद्यापीठे आणि खाजगी क्षेत्रातील शास्त्रज्ञांनी २५ पिकांचे १८४ नवीन वाण विकसित केले आहेत, जे आज शेतकऱ्यांसाठी सादर करण्यात आले. मला हे सांगताना अभिमान वाटतो की, गेल्या १०-११ वर्षांत पंतप्रधानांच्या नेतृत्वाखाली ३२०० हून अधिक नवीन बियाण्यांचे वाण विकसित करण्यात आले आहेत. बियाणे हे शेतीचा आत्मा आहेत. ही बियाणे शक्य तितक्या लवकर शेतकऱ्यांपर्यंत पोहोचावीत यासाठी आमचे प्रयत्न आहेत.
शेतकऱ्यांना योग्य दरात चांगल्या दर्जाची बियाणे मिळावीत, हे आमचे ध्येय आहे, असेही ते म्हणाले. यावर्षी रब्बी पिकांचे विक्रमी उत्पादन होत आहे आणि शेतकऱ्यांवर समृद्धीची कृपा होईल, अशी आशा त्यांनी व्यक्त केली.शिर्डी येथील एका कार्यक्रमात पत्रकारांना संबोधित करताना ते म्हणाले की, सरकार शेतकरी, गरीब आणि ग्रामविकासासाठी कटिबद्ध आहे.
यावर्षी रब्बी पिकांचे विक्रमी उत्पादन होत आहे आणि आम्हाला आशा आहे की शेतकऱ्यांवर देवाची कृपा होईल, ज्यामुळे त्यांना मोठी समृद्धी मिळेल. हे वर्ष गरीब लोकांसाठी कल्याणाचे आणि गावांच्या विकासाचे जावो. ‘विकसित भारत’ आणि ‘व्हीबी-जी राम जी’ योजना संपूर्ण ग्रामविकास साधण्यास सक्षम आणि समर्थ आहे, असे चौहान म्हणाले.त्यांनी ग्रामीण पायाभूत सुविधा मजबूत करणे, उपजीविकेच्या साधनांमध्ये सुधारणा करणे आणि गावांमध्ये सर्वसमावेशक विकास सुनिश्चित करण्यावर सरकारने लक्ष केंद्रित केल्याचे सांगितले. (एएनआय)
