गोपालगंज : राज्य सरकारने ऊस उत्पादक शेतकऱ्यांची आर्थिक स्थिती मजबूत करण्यासाठी, गळीत हंगाम २०२४-२५ पासून ऊस दरात प्रति क्विंटल १० रुपयांची वाढ केली आहे. ही वाढलेली उसाची किंमत बिहारच्या ऊस उद्योग विभागाकडून सीएफएमएस सिस्टमद्वारे दिली जाणार आहे.
वाढीव ऊस दर मिळविण्यासाठी ऊस उत्पादक शेतकऱ्यांचा आधार क्रमांक, जन्मतारीख आणि पत्त्याचा पिन कोड आवश्यक आहे. वरील माहिती संबंधित साखर कारखान्यांकडे उपलब्ध नसल्यामुळे, देयक देण्यात अडचणी येत आहेत असे हिंदूस्थानमध्ये प्रसिद्ध झालेल्या वृत्तामध्ये म्हटले आहे. राज्याचे ऊस आयुक्त अनिल कुमार झा यांनी सर्व ऊस उत्पादक शेतकऱ्यांना त्यांचे आधार क्रमांक, जन्मतारीख आणि पत्ता पिन कोड संबंधित साखर कारखान्यांना देण्याचे आवाहन केले आहे. त्यानंतर त्यांना ऊस विभागाकडून देय असलेली रक्कम थेट शेतकऱ्यांच्या बँक खात्यात हस्तांतरित करता येईल.
