आग्रा : पंतप्रधान नरेंद्र मोदी यांच्या दोन दिवसीय दौऱ्यापूर्वी जिल्ह्यात ए नवा साखर कारखाना स्थापन करण्याबाबत सरकारने चार वर्षांपूर्वी दिलेल्या आश्वासनाच्या पूर्ततेची मागणी करत शेतकऱ्यांनी आंदोलन केले. यावेळी आगामी विधानसभा निवडणुकीत शेतकऱ्यांनी पक्षाविरोधात मतदान करण्याचा इशाराही दिला.
भारतीय किसान युनियनचे (भानु) महासचिव शैलेंद्र पाल सिंह यांनी ‘टाइम्स ऑफ़ इंडिया’शी बोलताना सांगितले की, सताना-कासिमपूर नजीकच्या जुन्या साखर कारखान्यानजीक किसान पंचायतीमध्ये सहभागी होण्याचे निमंत्रण त्यांनी खासदार आणि जिल्हा प्रशासनासोबत सर्व आमदारांना दिले होते. केवळ बारौलीचे आमदार दल्वेर सिंह यांनी अनेकदा विधानसभेत हा मुद्दा उपस्थित केला आहे असे शेतकऱ्यांनी सांगितले. हे आश्वासन पूर्ण करण्यासाठी प्रयत्न केले जात असल्याचे सांगण्यात आले.
शैलेंद्र पाल सिंह म्हणाले, जेव्हा आम्ही मंत्र्यांना भेटण्यास जात होतो, तेव्हा पोलिसांनी आम्हाला विविध ठिकाणी रोखून धरले. आम्हाला त्यांना भेटण्याची परवानगी दिली नाही. पोलिसांनी आम्हाला जबरदस्तीने रस्त्यावर बसायला लावले. सराकरने २०१९ च्या लोकसभा निवडणुकीत नवा साखर कारखाना स्थापन करण्याची घोषणा केली होती. प्रत्यक्षात काही केले गेले नाही असे शैलेंद्र पाल सिंह म्हणाले.
