कर्नाल : हरियाणा सरकारने उसाचा दर ५०० रुपये प्रति क्विंटल निश्चित करावा, अशी मागणी माजी मुख्यमंत्री भूपेंद्र सिंह हुड्डा केली आहे. हुड्डा म्हणाले की, राज्यात पुरामुळे उसाचे बरेच पीक नष्ट झाले आहे. परंतु उर्वरित पिकासाठी सरकारने ५०० रुपये प्रति क्विंटल दराने ऊस खरेदी करण्याची घोषणा करावी. यामुळे राज्यातील हजारो शेतकऱ्यांना मोठा दिलासा मिळेल असे दैनिक ट्रिब्यूनमध्ये प्रकाशित वृत्तामध्ये म्हटले आहे. हुडा म्हणाले की, राज्य सरकारने बराच काळ उसाच्या किमतीत खूपच कमी वाढ केली आहे. उसाचा उत्पादन खर्च सतत वाढत आहे. शेतकऱ्यांना ऊस उत्पादनासाठी खूप पैसे खर्च येत आहे. यामध्ये युरिया, डिझेल आणि वीज यांचा समावेश आहे. सरकारने उसाचा भाव ५०० रुपये प्रति क्विंटल जाहीर करावा.
रमण त्यागी म्हणाले की, २०२३ मध्ये उसाचा दर ३७२ रुपये प्रति क्विंटल होता. त्यानंतर शेतकऱ्यांनी आंदोलन केले. त्यानंतर उसाचा दर ३८६ रुपये प्रति क्विंटल करण्यात आला. मनोहर सरकारने पुढच्या वर्षी म्हणजेच २०२४ मध्ये उसाचा दर ४०० रुपये प्रति क्विंटल निश्चित केला होता. परंतु तफावत अधिक आहे. कारण ऊस लागवडीसाठी खूप खर्च येतो. त्यामुळे उसाचा दर ४०० रुपयांवरून ५०० रुपये प्रति क्विंटल करावा. हुडा सरकारच्या १० वर्षांच्या कार्यकाळात उसाचा दर एकूण १९३ रुपयांनी वाढला होता, जो ११७ रुपयांवरून ३१० रुपये झाला.
