नवी दिल्ली : इंडिगोची हवाई सेवा मंगळवारीही विस्कळीत पाहायला मिळाली. त्याचा परिणाम संपूर्ण भारतातील हवाई प्रवासावर झाला. शेकडो उड्डाणे रद्द झाली आणि प्रवाशांना नाहक त्रास सहन करावा लागला. दिल्लीच्या इंदिरा गांधी आंतरराष्ट्रीय विमानतळ (IGI) विमानतळावर सर्वाधिक परिणाम झाला, इंडिगोच्या १५२ उड्डाणे रद्द झाल्याची पुष्टी झाली, ज्यात ७६ आगमन आणि ७६ निर्गमन यांचा समावेश आहे, असे अधिकाऱ्यांनी सांगितले.
बेंगळुरूच्या केम्पेगौडा आंतरराष्ट्रीय विमानतळावर ५८ आगमन आणि ६३ निर्गमन रद्द करण्यात आले, चेन्नईमध्येही दिवसभरात १८ निर्गमन आणि २३ आगमन रद्द झाल्याने मोठा व्यत्यय आला. हैदराबादच्या राजीव गांधी आंतरराष्ट्रीय विमानतळावर (RGIA) ४४ निर्गमन आणि १४ आगमन रद्द झाल्याची पुष्टी केली. तिरुअनंतपुरम विमानतळावरून एक आगमन आणि तीन प्रस्थान रद्द झाले. मुंबईच्या छत्रपती शिवाजी महाराज आंतरराष्ट्रीय विमानतळावर सकाळी ९:३० वाजताच्या अपडेटनुसार १४ आगमन आणि १७ प्रस्थानांसह ३१ रद्दीकरणांची नोंद झाली. पाटण्याच्या जयप्रकाश नारायण आंतरराष्ट्रीय विमानतळावरही नऊ उड्डाणे रद्द झाल्याची नोंद झाली.
दरम्यान, नागरी विमान वाहतूक मंत्री राम मोहन नायडू किंजरापू यांनी सांगितले की विमान वाहतूक वेगाने स्थिर होत आहे. नायडू यांनी लोकसभेत बोलताना सांगितले की, इंडिगोने सोमवारी १,८०० उड्डाणे चालवली, ज्यावरून परिस्थिती सुधारण्याची अपेक्षा आहे. (ANI)
