पुणे : पुणे जिल्ह्यातील आंबेगावमधील गावडेवाडीत आज विद्युत तारांच्या शॉर्टसर्किटमुळे लागलेल्या आगीत सुमारे २५ एकरातील ऊस जळून खाक झाला. आज सकाळी ही दुर्घटना घडली. यामुळे शेतकऱ्याचे लाखो रुपयांचे नुकसान झाले आहे. गावडेवाडीतील शेतकऱ्यांच्या शेतात लागलेली ही आग काही वेळातच पसरली. आग लागल्याचे निदर्शनास येताच ग्रामस्थांनी तेथे धाव घेऊन आग आटोक्यात आणण्याचे प्रयत्न सुरू केले. आगीची माहिती प्रशासनाला आणि अग्निशामक दलाला देण्यात आली. ही आग विद्युततारांच्या शॉर्ट सर्किटमुळे झाले असल्याचे सांगण्यात येते. शेतकऱ्यांचे लाखो रुपयांचे नुकसान झाले असून पंचनामा करून नुकसान भरपाई मिळावी अशी मागणी करण्यात येत आहे.
