द्वारकागंज : येथील किसान सहकारी साखर कारखान्यामध्ये अभियंत्यांनी अथक परिश्रम करून अखेर टर्बाईनमधील बिघाड दूर करण्यात आला. त्यामुळे २४ तासांनंतर कारखान्याची चाके फिरू लागली आणि गाळप सुरू झाले आहे. त्यामुळे शेतकऱ्यांना दिलासा मिळाला. गुरुवारी सायंकाळी चार वाजता अचानक साखर कारखान्यातील टर्बाइनचे बेअरिंग तुटले. त्यामुळे ऊस गाळपाचे काम ठप्प झाले होते.
हिंदूस्थानमध्ये प्रसिद्ध झालेल्या वृत्तानुसार, टर्बाइनमधील बिघाडाची माहिती कारखान्याच्या कामगारांनी प्रधान व्यवस्थापक राजेंद्र प्रसाद यांना दिली. कारखान्यातील ही समस्या गांभीर्याने घेत सरव्यवस्थापकांनी रात्री दिल्लीहून बेरिंगची व्यवस्था केली आणि सकाळपासूनच टर्बाइनच्या दुरुस्तीसाठी इंजिनीअरिंग विभागाचे कर्मचारी तैनात करण्यात आले. विभागाने दुपारी टर्बाइनमधील बिघाड दुरुस्त केला. चार वाजता साखर कारखान्यात पुन्हा ऊस गाळप सुरू झाले. कारखान्यामध्ये ऊस पुरवठा करण्यासाठी उपस्थित शेतकऱ्यांनी जीएमचे कौतुक केले. शेतकरी दीप नारायण वर्मा, रामसिंग पटेल, अनुराग सिंग, सर्वजित वर्मा आदींनी सांगितले की, सरव्यवस्थापकांच्या मेहनतीमुळे २४ तासांत कारखाना कार्यान्वित झाला.
