जोगुळंबा गडवाल : जिल्ह्यातील राजोली मंडळातील पेड्डा धनवाडा गावात बुधवारी इथेनॉल प्लांटच्या विरोधात ग्रामस्थांनी तीव्र निदर्शने केली. निदर्शकांनी कामाच्या ठिकाणी घुसून तंबू उद्ध्वस्त केले आणि अर्थमुव्हर्स यंत्रसामुग्रीच्या काचा फोडल्या. त्यामुळे परिस्थिती चिघळली. गेल्यावर्षी प्रकल्पाला मंजुरी मिळाल्यानंतर गायत्री रिन्यूएबल फ्युएल्स अँड अलाइड इंडस्ट्रिज प्रायव्हेट लिमिटेडने आंध्र प्रदेशातील मदनपल्ले येथे प्रकल्पाचे काम सुरू केले होते.
स्थानिक पोलीस सूत्रांनी सांगितले की, इथेनॉल प्लान्टला अक्षय ऊर्जा प्रकल्प म्हणून वर्गीकृत केले आहे. त्याला विद्यमान नियमांनुसार ग्रामसभेची संमती आवश्यक नाही. या फर्मने कथितरित्या कायदेशीर मार्गाने एक किंवा दोन शेतकऱ्यांकडून जमीनही घेतली आहे. याबाबत या प्लांटमुळे आपल्या पिकांना व परिसराला धोका पोहोचेल असा आरोप ग्रामस्थांनी केला. त्यांनी सर्व बाजूंनी येऊन त्यांनी प्रकल्पस्थळाला वेढा घातला आणि सुरक्षा कर्मचारी, रोजंदारी कामगारांसाठी उभारलेले तात्पुरते तात्पुरते निवारे उद्ध्वस्त केले. त्यामुळे तणाव वाढला.
याबाबत, जोगुळंबा गढवालचे पोलिस अधीक्षक टी. श्रीनिवास राव म्हणाले की, तणावपूर्ण वातावरणामुळे कंपनीला परिसर रिकामा करण्याचा सल्ला दिला आहे. कंपनी फक्त सुरुवातीची पायाभूत सुविधांची उभारणी करत होती. तरी आम्ही त्यांना तेथून निघून जाण्यास सांगितले. गावकऱ्यांनी तंबू आणि यंत्रांचे नुकसान केले. पोलिस आणि निदर्शकांमध्ये कोणताही संघर्ष झाला नाही. परिस्थिती आता नियंत्रणात आणि शांत आहे. या विद्ध्वंसासाठी जबाबदार असलेल्यांवर गुन्हे दाखल केले जातील, असे त्यांनी सांगितले. कोणतीही दुखापत झाली नाही. पुढील गोंधळ टाळण्यासाठी परिसरात पोलिस पथके तैनात आहेत.
