કેન્દ્રીય કૃષિ અને ખેડૂત કલ્યાણ મંત્રી શિવરાજ સિંહ ચૌહાણે જણાવ્યું હતું કે મોદી સરકાર ખેડૂત-મૈત્રીપૂર્ણ સરકાર છે અને ખેડૂતોને નફાકારક ભાવ આપવા અને વાજબી ભાવ સુનિશ્ચિત કરવા એ તેમની પ્રાથમિકતા અને પ્રતિબદ્ધતા છે. ચૌહાણે આજે જણાવ્યું હતું કે પહેલા ડુંગળી પર 20% નિકાસ ડ્યુટી હતી, પરંતુ જ્યારે ડુંગળીના ભાવ ઘટવા લાગ્યા અને ખેડૂતોને ઓછા ભાવ મળવા લાગ્યા, ત્યારે સરકારે ડુંગળી પરની નિકાસ ડ્યુટી ૪૦% થી ઘટાડીને 20 % કરવાનો નિર્ણય લીધો. આજે સરકારે નિર્ણય લીધો છે કે 20% નિકાસ ડ્યુટી પણ સંપૂર્ણપણે દૂર કરવી જોઈએ. હવે ડુંગળીની નિકાસ પર કોઈ નિકાસ ડ્યુટી રહેશે નહીં જેથી આપણા ખેડૂતો દ્વારા સખત મહેનતથી ઉગાડવામાં આવેલ ડુંગળી કોઈપણ ડ્યુટી વિના વૈશ્વિક બજારોમાં પહોંચી શકે અને તેમને સારી કિંમત અને નફાકારક કિંમત મળી શકે.
