मुझफ्फरनगर : मुझफ्फरनगर जिल्ह्यातील बुढाना परिसरातून साखरेने भरलेला ट्रक चोरल्याप्रकरणी एका चोरट्याला अटक करण्यात आली आहे. या प्रकरणात पोलिसांनी ८ लाख २० हजार रुपयांचा माल हस्तगत केला. तिघे संशयित फरारी आहेत. या चोरट्यांच्या टोळीने २१ आणि २२ ऑगस्टच्या रात्री बुढाणा पोलिस ठाण्याच्या हद्दीतील मंदवारा रोडवर उभा असलेला ट्रक चोरून नेला होता.
भास्करमध्ये प्रकाशित वृत्तानुसार, साखर घेवून जाणारा हा ट्रक बुढाणा आणि शहापूर येथील व्यापाऱ्यांना माल पोहोचवणार होता. ट्रक चालकाने तो आपल्या घराबाहेर उभा केला आणि रात्री झोपण्यासाठी गेला. दरम्यान, या टोळीने मालासह ट्रक पळवला. ट्रक मालक तहसीन यांच्या तक्रारीवरून पोलिसांनी अज्ञात चोरट्यांविरुद्ध गुन्हा दाखल केला. आता ट्रक चोरीप्रकरणी पोलिसांनी शादाबला अटक केली आहे. त्याच्याकडून चोरीचा ट्रक आणि साखरेची ४१० पोती जप्त करण्यात आली आहेत. संशयितांकडून एक पिस्तूल आणि एक जिवंत काडतूस जप्त करण्यात आले आहे. बागपतच्या आसरा गावातील साकिब आणि फरमान आणि शादाब यांनी ही चोरी केल्याचे चौकशीत उघडकीस आले. फरार दोघांचा शोध सुरू असल्याचे पोलिसांनी सांगितले.
