जिल्ह्यातील कारखान्यांमध्ये २६.११ लाख क्विंटल साखर उत्पादन

134

बुलंदशहर : जिल्ह्यातील तीन साखर कारखाने बंद झाले आहेत. सद्यस्थितीत एकमेव साबितगड साखर कारखान्यात उसाचे गाळप सुरू आहे. चारही साखर कारखान्यांनी आतापर्यंत २६.११ लाख क्विंटल साखरेचे उत्पादन केले आहे. विभागीय अधिकाऱ्यांनी दिलेल्या माहितीनुसार, कारखान्यांतील साखरेवर नियंत्रण ठेवण्यात आले असून दर महिन्याला निश्चित केलेल्या कोट्यानुसार साखरेची उचल सुरू आहे.

जिल्ह्यात साबितगड, अनामिका, अनूपशहर आणि वेव्ह हे चार साखर कारखाने शेतकऱ्यांकडून ऊस खरेदी करतात. यंदा या कारखान्यांनी उच्चांकी ७६८ कोटी रुपयांहून अधिक किमतीचा ऊस खरेदी केली आहे. या कारखान्यांनी आतापर्यंत ४८१ कोटी रुपयांहून अधिक पैसे शेतकऱ्यांना दिले आहेत. तर या कारखान्यांकडे शेतकऱ्यांचे २८७ कोटी रुपये अद्याप थकीत आहेत. याशिवाय शेजारील जिल्ह्यातील हापुडमधील सिंभावली आणि ब्रजनाथपूर, अमरोहा येथील चंदनपूर आणि संभलमधील रजपूरा साखर कारखान्यांकडे शेतकऱ्यांचे पैसे थकीत आहेत. या सर्व आठ कारखान्यांना जिल्हाधिकाऱ्यांनी नोटिसा बजावल्या आहेत. जिल्ह्यातील साखर कारखान्यांना उसाचे पैसे देण्याबाबत मुदत देण्यात आली आहे. महत्त्वाचे म्हणजे यंदा जिल्ह्यातील कारखान्यांनी २६.११ लाख क्विंटल साखरेचे उत्पादन घेतले आहे. विभागाच्या अधिकाऱ्यांनी दिलेल्या माहितीनुसार सर्वाधिक १२.४६ लाख क्विंटल साखरेचे उत्पादन करण्यात आले आहे. अनुपशहर साखर कारखान्याने सर्वात कमी म्हणजे ३.२६ लाख क्विंटल साखर उत्पादन केले आहे. तर साबितगड कारखान्याने १२.४६ लाख क्विंटलस अनामिका कारखान्याने ७.३६ लाख क्विंटल, वेव्ह साखर कारखान्याने ३.६९ लाख क्विंटल साखर उत्पादन घेतले आहे.

दरम्यान कारखान्यांकडील साखरेवर विभागाने नजर ठेवली आहे. कोट्यानुसार दर महिन्याला साखर विक्रीचे आदेश दिले आहेत. शेतकऱ्यांना लवकर पैसे देण्यास कारखान्यांना सांगितले आहे असे जिल्हा ऊस अधिकारी डी. के. सैनी यांनी सांगितले.

LEAVE A REPLY

Please enter your comment!
Please enter your name here