નવી દિલ્હી: ભારતમાં છેલ્લા 24 કલાકમાં 24,492 જેટલા નવા COVID-19 કેસ અને 131 મૃત્યુ નોંધાયા છે, હાલ દેશમાં સક્રિય કેસની સંખ્યા 2,23,432 થઈ ગઈ છે, કેન્દ્રીય આરોગ્ય અને પરિવાર કલ્યાણ મંત્રાલયે મંગળવારે આ માહિતી આપી હતી.
આ સાથે, કુલ પોઝિટિવ કેસની સંખ્યા 1,14,09,831 થઇ છે જયારે સાજા થનાર કુલ દર્દીની સંખ્યા 1,10,27,543 પર પહોંચી છે. દેશમાં કોરોનાવાયરસે અત્યાર સુધી 1,58,856 લોકોના જીવ લીધા છે.
દેશભરમાં અત્યાર સુધીમાં COVID-19 રસીના આશરે 3,29,47,432 ડોઝ આપવામાં આવ્યા છે.
ઈન્ડિયન કાઉન્સિલ ઓફ મેડિકલ રિસર્ચ અનુસાર, 15 માર્ચ સુધી 22,82,80,763 નમૂનાઓનું પરીક્ષણ કરવામાં આવ્યું છે, જેમાં 15 માર્ચના 8,73,350 નમૂનાઓનો સમાવેશ થાય છે.
