कुशीनगरमध्ये भर रस्त्यावर ऊस ट्रॉली उलटली, तीन तास वाहतूक कोंडी

कुशीनगर : जिल्ह्यातील कप्तानगंज-पिपराइच मार्गावर सेंदुरिया विशुनपूरच्या टोला गुहरहियाजवळ ऊस घेऊन जाणाऱ्या ट्रॅक्टरची ट्रॉली उलटल्याने तीन तास हा मार्ग बंद राहिला. अहिरौली बाजार पोलीसांनी ट्रॉली रस्त्याकडेला नेल्यानंतर वाहतूक पूर्ववत झाली.

सकाळी उसाने भरलेला ट्रॅक्टर कप्तानगंजच्या दिशेने पिपराइच साखर कारखान्याकडे जात होता. सेंदुरिया विशुनपूर गावानजिक समोरून एक भरधाव गाडी ट्रॅक्टरसमोर आली. अपघात टाळण्यासाठी चालकाचा ट्रॅक्टरवरील ताबा सुटला. ट्रॉली रस्त्यावरच उलटली. भररस्त्यात झालेल्या या अपघाताने कप्तानगंज-पिपराइच रस्त्यावर वाहतूक कोंडी झाली.

सुदैवाने अपघातात कोणीही जखमी झाले नाही. अपघाताची माहिती मिळताच अहिरौली बाजार पोलीस घटनस्थळी आले. त्यांनी लोकांच्या मदतीने ट्रॉली रस्त्याकडेला आणून वाहतूक पूर्ववत केली. हेड कॉन्स्टेबल मनीष कुमार रॉय यांनी कोंडीत अडकलेल्या वाहनांना जगदीशपूर चौकातून मुजहना, अटकहवा, बलुआ सहजौली असा मार्ग उपलब्ध करून दिला.

LEAVE A REPLY

Please enter your comment!
Please enter your name here