वॉशिंग्टन: मक्क्याची वाढलेली किमत आणि कमकुवत इंधनाच्या मागणीमुळे आधीच दबावाखाली असलेल्या अमेरिकन इथेनॉल उद्योगाला जो बायडेन सरकारने वनस्पती-आधारित इंधनासाठी अचानक पाठिंबा काढून घेतल्याने मोठा धक्का बसला आहे. पर्यावरण संरक्षण एजन्सीने संमिश्रणाबाबत जारी केलेल्या आदेशानुसार 2024 आणि 2025 मध्ये वापरल्या जाणार्‍या पारंपारिक इथेनॉलचे प्रमाण 15 अब्ज गॅलनपर्यंत मर्यादित केले आहे, जे आधी 15.25 अब्ज गॅलन प्रस्तावित होते.
वाढत्या उत्पादन खर्चामुळे आधीच संघर्ष करत असलेल्या इथेनॉल उद्योगाला या नव्या आदेशाने मोठा झटका बसला आहे. कोटा कपातीमुळे इथेनॉल उत्पादकांची चिंता वाढली आहे. रिन्यूएबल फ्यूल्स एसोसिएशनचे सीईओ ज्योफ कूपर म्हणाले, EPA चे इथेनॉलचा कोटा घटवण्याचे पाऊल अन्यायकारक आहे. इलेक्ट्रिक वाहनांच्या वाढत्या बाजारपेठेमुळे परिस्थिती आणखी बिघडण्याचा धोका आहे. सरकारच्या या भूमिकेमुळे केवळ इथेनॉल उद्योगच अडचणीत आलेला नाही तर बायडेन प्रशासनाचा स्वतःच्या स्वच्छ उर्जा योजनेलाही बाधा येणार आहे.
