સરકાર દ્વારા ખાંડ આધારિત ઇથેનોલ ઉત્પાદન પર પ્રતિબંધ મુકાયા બાદ ઉદ્યોગ આ અંગે સરકારના સતત સંપર્કમાં છે અને આ પ્રતિબંધ હટાવવાની માંગ કરી રહ્યા છે. આ અઠવાડિયે આ અંગે મહત્વની બેઠક થઈ શકે છે. આ બેઠક કેબિનેટ સચિવના નેતૃત્વમાં થઈ શકે છે.
CNBC-TV18ના રિપોર્ટ અનુસાર, B હેવી મોલાસીસમાંથી ઇથેનોલ બનાવવાની સમીક્ષા થઈ શકે છે. આ બેઠકમાં શેરડીના રસમાંથી ઇથેનોલના ઉત્પાદનની સમીક્ષા કરવામાં આવી શકે છે.
તમને જણાવી દઈએ કે, સરકારે તાજેતરમાં ઇથેનોલ ઉત્પાદન માટે ખાંડના ડાયવર્ઝનને 17 લાખ ટન સુધી મર્યાદિત કરી દીધું છે. જે બાદ ઈન્ડસ્ટ્રી તેને વધારવાની માંગ કરી રહી છે.
ISMAના મતે વર્તમાન સિઝનમાં ખાંડનું ઉત્પાદન અગાઉની ધારણા કરતાં વધુ હોઈ શકે છે. તદનુસાર, ISMA એ સરકારને ઇથેનોલ ઉત્પાદન માટે વધારાના 10-12 લાખ ટન ખાંડના ડાયવર્ઝનને મંજૂરી આપવા વિનંતી કરી છે.
