आंध्र प्रदेश: साखर कारखान्यांच्या पुनरुज्जीवनाची सरकारकडे मागणी

120

विजयवाडा : सहकार क्षेत्रांतर्गत असलेल्या साखर कारखान्यांचे पुनरुज्जीवन करून ऊस उत्पादक शेतकऱ्यांना वाचवावे अशी मागणी भाजपने राज्य सरकारकडे केली आहे.

यासंदर्भात Newindianexpress.comमध्ये प्रकाशित झालेल्या वृत्तानुसार, भाजपच्या आंध्र प्रदेश युनिटचे प्रमुख सोमू वीरराजू यांनी मुख्यमंत्री वायएसआर जगन मोहन रेड्डी यांना एक खुले पत्र लिहिले आहे. यामध्ये म्हटले आहे की, मुख्यमंत्र्यांनी नोव्हेंबर २०१९ मध्ये कडप्पा आणि चित्तूर जिल्हे आणि अनाकापल्ले येथे साखर कारखान्यांच्या पुनरुज्जीवनासाठी योजना तयार केली होती. त्यास आता दोन वर्षे उलटली आहेत. मात्र, अद्याप काहीही झालेले नाही. ही योजना लागू करण्यासाठी पावले उचललेली नाहीत.

वीरराजू यांनी सांगितले की, विशाखापट्टणममध्ये वादळ, एटिकोप्पाका, गोवाडा आणि तुम्मापाला येथील साखर कारखान्यांना सरकारच्या धोरणांमुळे कर्जाच्या खाईत बुडावे लागले आहे. ते म्हणाले, या कारखान्यांतील कामगारांना गेल्या ३२ महिन्यांपासून त्यांचा पगार मिळालेला नाही. शेतकऱ्यांना त्यांच्या पिकाचे पैसे मिळालेले नाहीत. सरकार जाणूनबुजून कारखान्यांना तोट्यात ढकलत आहे का आणि त्यांना खासगी व्यक्तींकडे सोपविण्याची तयारी करीत आहे का अशी विचारणा त्यांनी केली आहे. सरकारने जर उत्तर दिले नाही, तर भाजप आंदोलन करेल असा इशारा वीरराजू यांनी दिला.

 

LEAVE A REPLY

Please enter your comment!
Please enter your name here