ढाका : बांगलादेश शुगर रिफाइनर्स असोसिएशनकडून साखरेच्या दरात TK २५ प्रती किलो वाढ करण्याच्या निर्णयाचा कन्झ्युमर असोसिएशन ऑफ बांगलादेश (CAB) ने विरोध केला आहे. सरकारने हा निर्णय लागू करू नये अशी मागणी करण्यात आली आहे.
याबाबत जारी करण्यात आलेल्या एका प्रसिद्धी पत्रकानुसार CAB ने म्हटले आहे की १९ जून रोजी साखर कारखानदारांनी साखरेच्या दरवाढ करण्याच्या आपल्या अपेक्षेबाबत बांगलादेश व्यापार आणि शुल्क आयोगाला कळवले होते. ही दरवाढ २२ जूनपासून लागू होईल असे म्हटले होते. CAB ने हा ग्राहकांच्या हिताविरोधात निर्णय असल्याचे सांगत, कारखानदारांच्या या निर्णयाचा तीव्र विरोध केला आहे.
CAB ने म्हटले आहे की, साखर कारखानदारांच्या संघटनेने आगामी ईद उल अधापूर्वी वाढीव दराने साखर खरेदी करण्यास भाग पाडण्यासाठी हा निर्णय घेतला आहे. सद्यस्थितीत बाजारात सरकारने निर्धारित केलेल्या दरापेक्षाही जादा किमतीवर साखर विक्री केली जात आहे. सरकारने किरकोळ बाजारात खुल्या साखरेचा दर TK१२० प्रती किलो आणि पॅकेज्ड साखरेसाठी TK१२५ प्रती किलो निश्चित केला आहे. मात्र, सद्यस्थितीत साखर TK१३० से TK१४० प्रती किलो दराने विक्री होत असल्याचे सीएबीने म्हटले आहे.
CAB ने प्रसिद्धी पत्रकात म्हटले आहे की, कारखानदार आणि डिलर्सच्या हेराफेरीमुळे बाजारात पॅक्ड साखरेची टंचाई आहे. अशा स्थितीत दरवाढीचा हा निर्णय स्वीकारार्ह नाही. सरकारच्या भूमिकेकडे दुर्लक्ष केले गेल्याबद्दल सीएबीने चिंता व्यक्त केली आहे. बांगलादेश व्यापार आणि दर आयोगाने आधीच्याच किमतीवर साखर विक्रीस उपलब्ध करावी अशीस मागणी केली आहे.
