मेरठ : भारतीय किसान युनियनचे मेरठ जिल्हाध्यक्ष अनुराग चौधरी यांच्या नेतृत्वाखालील शेतकऱ्यांच्या शिष्टमंडळाने मंगळवारी मेरठ ऊस भवनात जिल्हा ऊस अधिकारी डॉ. दुष्यंत कुमार यांची भेट घेतली. डॉ. कुमार यांच्याकडे शेतकऱ्यांनी थकीत ऊस बिले आणि इतर समस्यांची तातडीने सोडवणूक करावी, अशी मागणी निवेदनाद्वारे केली.
शेतकऱ्यांनी किनौनी साखर कारखान्याकडील थकीत बिले आणि आगामी गळीत हंगामात ऊस खरेदी केंद्रे बदलण्याची मागणी केली. या मागणीनंतर जिल्हा ऊस अधिकाऱ्यांनी या आठवड्यात किनौनी साखर कारखान्याकडील थकीत देणी वसूल करून देण्याचे आश्वासन दिले. ऊस तोडणी केंद्र बदलण्याचे ऊस समित्यांमार्फत आलेले सर्व प्रस्ताव मान्य करून लखनौला पाठवले जातील आणि ते स्वतःच्या पातळीवर केंद्र बदलण्यासाठी प्रयत्न करतील, असे यावेळी सांगितले. यावेळी हर्ष चहल, उपाध्यक्ष बबलू सिसौला, मोनू टिकरी, विनोद दलमपुरे आदी उपस्थित होते.
