भोगपूर साखर कारखाना १५ नोव्हेंबरला सुरू होणार

भोगपूर : भोगपूर सहकारी साखर कारखान्यात बसविण्यता आलेल्या अत्याधुनिक तांत्रिक साखर प्लांट ऊसाच्या गळीत हंगामासाठी सज्ज आहे. प्लांटचे इन्चार्ज मोहिंदर सिंह केपी यांनी ही माहिती दिली. भोगपूरमध्ये ३००० टीसीडीसह १५ को – जनरेशन प्लांटच्या प्रोजेक्टच्या बॉयलर प्रदीनप्रसंगी सुखमणि साहिब यांच्या पूजाअर्चा प्रसंगी त्यांनी याबातची माहिती दिली.
यावेळी सैनी भलाई बोर्डाचे संचालक भूपिंदर सिंह सैनी, भोगपूर साखर कारखान्याचे चेअरमन परमवीर सिंह पम्मा, मार्केट कमिटीचे चेअरमन सरबजीत सिंह भटनूरा लुबाना, कारखान्याचे सर व्यवस्थापक अरुण कुमार अरोरा खास उपस्थित होते. केपी यांनी सांगितले की, पंजाब सरकारच्यावतीने दोआबा क्षेत्रातील ऊस उत्पादक शेतकऱ्यांची जुनी मागणी पूर्ण करत भोगपूर कारखान्याचे आधुनिकीकरण पूर्ण केले आहे. १९५५-५६ मध्ये स्थापन केलेल्या या कारखान्यात आता ३००० टन प्रती दिन गाळप क्षमतेचा नवा प्लांट, १५ मेगावॅट को-जनरेशनसह बसविण्यात आला आहे. कारखाना १५ ते २० नोव्हेंबर या काळात गाळप सुरू करेल अशी माहिती त्यांनी दिली.

यावेळी भोगपूर साखर कारखान्याचे कार्यकारी मंडळाचे सदस्य मंजीत सिंह ढिल्लो, सतपाल सिंह, हरजिंदर सिंह, परमिंदर सिंह जंडीर, दोआबा शेतकरी संघर्ष समितीचे नेते बलविदर सिंह, मुख्य ऊस विकास अधिकारी सुखदीप सिंह कैरो, ऊस अधिकारी प्रेम बहादर सिंह, सतनाम सिंह आदी यावेळी उपस्थित होते.

LEAVE A REPLY

Please enter your comment!
Please enter your name here