फगवाडा, पंजाब : फगवाडा महामार्गावर आंदोलन करीत असलेल्या ऊस उत्पादक शेतकऱ्यांना दिलासा देणारी बातमी समोर आली आहे.
दि ट्रिब्यूनमध्ये प्रकाशित वृत्तानुसार, उपजिल्हाधिकारी सतवंत सिंह यांनी सांगितले की, हरियाणातील भुना कारखान्याच्या विक्रीचे सेल डीड (sale deed) नोंदविण्यात आले आहे.
या पैशांचा वापर शेतकऱ्यांची ऊस थकबाकी देण्यासाठी केली जाण्याची शक्यता वाढली आहे. भारतीय किसान युनियन (Doaba) चे महासचिव सतनाम सिंह साहनी यांनी सरकारचा हा ‘उशीरा घेतलेला योग्य निर्णय’ म्हटले आहे. त्यांनी सांगितले की, या विक्रीनंतर मिळणारी रक्कम शेतकऱ्यांच्या खात्यांवर जमा करण्याची गरज आहे. यांदरम्यान, शेतकऱ्यांच्या धरणे आंदोलनाने २६ व्या दिवसात प्रवेश केला. भारतीय किसान युनियनचे साहनी यांनी सांगितले की, आंदोलन करीत असलेल्या शेतकऱ्यांसमोर पुढील कार्यवाहीबाबत एक बैठक घेण्यात येईल.
