सीसीडी संस्थापक व्ही.जी. सिद्धार्थ यांचा मृतदेह सापडला

128

मंगलूरू – देशाच्या सर्वात मोठ्या कॉफी साखळी कॅफे कॉफी डे चे संस्थापक व्ही.जी. सिद्धार्थ यांचा मृतदेह बुधवारी सकाळी कर्नाटकातील दक्षिण कन्नड जिल्ह्यातील नेत्रावती नदीमध्ये 36 तासांच्या अथक तपासणीनंतर सापडल्याचे अधिकार्‍यांनी सांगितले.

उल्लालच्या किनारपट्टीवरील स्थानिक मच्छीमारांनी मृतदेहाला बाहेर काढले. मृतदेह किनारपट्टीवर धुतला गेला होता. मंगलोरचे आमदार यू टी खादर म्हणाले की, मृतदेह सिद्धार्थचा असल्याचे त्यांचे मित्र व नातेवाईकांनी सांगितले आहे. तत्पूर्वी पोलिसांनी सांगितले की सिद्धार्थचा मृतदेह त्यांच्या कुटुंबियांनी अद्याप ओळखलेला नाही.

दक्षिण कन्नड जिल्ह्याचे उपायुक्त शशिकांत सेंथिल यांनी सांगितले की, नदीमध्ये एक मृतदेह सापडला आहे आणि तो सिद्धार्थ यांचा असल्याचे दिसते. कुटुंबियांकडून याची पुष्टी होणे आवश्यक आहे. मंगलोरचे पोलिस आयुक्त संदीप पाटील यांनी सांगितले की, इतर औपचारिकतेसाठी मृतदेह वेनलॉक रुग्णालयात ठेवण्यात आला आहे. भारतातील सर्वात मोठी कॉफी साखळीचे संस्थापक सिद्धार्थ मंगळुरु शहरातून जात असताना सोमवारी रात्री रहस्यमयपणे बेपत्ता झाले होते. मंगळवारी एका मच्छीमाराने असा दावा केला होता की त्याने कुणाला तरी पुलावरून उडी मारताना पाहिल होते.

हि बातमी ऐकण्यासाठी इमेज खालील बटन दाबा.

LEAVE A REPLY

Please enter your comment!
Please enter your name here