टोरंटो : ओंटारियो सरकारने कवर्था इथेनॉल (Kawartha Ethanol) कंपनीच्या हँड सॅनिटायझरची उत्पादन क्षमता विस्तार करण्यासाठी २.५ मिलियन डॉलर गुंतवणूक करण्याची योजना तयार केली आहे. आर्थिक विकास आणि व्यापार मंत्री विक फेडली यांनी ओंटारियो टुगेदर फंडच्या माध्यमातून निधी देण्याची घोषणा केली आहे. हँड सॅनिटायझरसाठी चांगल्या ग्रेडचे, शुद्ध इथेनॉल उत्पादन करण्यास प्रोत्साहन देण्यासाठी कंपनी २७ एम डॉलर गुंतवणूक करण्याच्या प्रक्रियेचा हा एक भाग आहे.
कवर्था इथेनॉल कंपनीचे अध्यक्ष डॅरेल ड्रेन यांनी सांगितले की, या मकई प्लांटमध्ये १०० मिलियन लिटर इथेनॉल उत्पादन करण्याची क्षमता आहे. नव्या गुंतवणुकीमुळे सॅनिटाझरसाठी दर वर्षी ६० मिलियन लिटर उच्च ग्रेडचे शुद्ध इथेनॉल उत्पादन करण्यासाठी विस्तार करण्यास मदत मिळेल. ड्रेन यांनी सांगितले की, कवर्था इथेनॉल ओंटारिया सरकारच्या महत्त्वपूर्ण पाठबळाचे कौतुक करतो. त्यातून बाजारात नव्या उत्पादनासह या क्षेत्रात रोजगार निर्मित करण्याच्या आमच्या प्रयत्नांना मदत मिळेल. ड्रेन म्हणाले की, विस्तार योजनांमध्ये १६ लोकांना काम दिले जाईल. त्यातील बहुसंख्य लोक लॅब टेक्निशियनच्या स्तरावर काम करतील. कवर्था इथेनॉल कंपनीत २७ पूर्णवेळ कर्मचारी आहेत.
