નવી દિલ્હી: સેન્ટ્રલ બોર્ડ ઓફ ડાયરેક્ટ ટેક્સે આ વર્ષે 1 એપ્રિલથી 8 નવેમ્બર સુધીમાં 98.90 લાખ કરતા વધુ કરદાતાઓને રૂ. 1,15,917 કરોડથી વધુના રિફંડ જારી કર્યા છે. એક ટ્વિટમાં, આવકવેરા વિભાગે જણાવ્યું હતું કે 97,12,911 કેસોમાં 36,000 કરોડ રૂપિયા અને કોર્પોરેટ ટેક્સ રિફંડના 1,77,184 કેસમાં 79,917 કરોડ રૂપિયા જારી કરવામાં આવ્યા છે. આમાં 2021-22 માટે રૂ. 12,616.79 કરોડના 65.31 લાખ રિફંડનો સમાવેશ થાય છે.
સેન્ટ્રલ બોર્ડ ઑફ ડાયરેક્ટ ટેક્સિસ (CBDT) એ 1 એપ્રિલથી 16 ઑગસ્ટની વચ્ચે 23.99 લાખ કરતાં વધુ કરદાતાઓને રૂ. 67,401 કરોડથી વધુના રિફંડ જારી કર્યા હતા. 22,61,918 કેસમાં રૂ. 16,373 કરોડનું આવકવેરા રિફંડ અને રૂ. 51,029 કરોડનું કોર્પોરેટ ટેક્સ રિફંડ 1,37,327 કેસમાં જારી કરવામાં આવ્યું હતું.
