નવી દિલ્હી: ઘઉંની ઉપલબ્ધતા વધારવા અને લોટની છૂટક કિંમત ચકાસવા માટે કેન્દ્ર સરકાર ટૂંક સમયમાં જ અલગ-અલગ રાજ્યોમાં તેના વધારાના ઘઉંને નાના હપ્તામાં વેચી શકે છે. ટાઈમ્સ ઓફ ઈન્ડિયા (TOI)ના એક અહેવાલ મુજબ, લોટ મિલ માલિકોએ સરકારને કહ્યું છે કે તેમની પાસે માત્ર એકથી બે મહિનાનો સ્ટોક છે. ઘઉંના વેપારીઓ આગામી મહિનાઓમાં ઘઉંના મોટા સ્ટોકને ઊંચા ભાવે વેચવા બેઠા છે. TOI અહેવાલમાં જણાવાયું છે કે, 20.5 મિલિયન ટનના બફર સ્ટોકની જરૂરિયાત સામે, ફૂડ કોર્પોરેશન ઓફ ઈન્ડિયા (FCI) પાસે 22.7 મિલિયન ટનનો સરપ્લસ છે.
રોલર ફ્લોર મિલર્સ ફેડરેશન ઓફ ઈન્ડિયાના પ્રમુખ પ્રમોદ કુમાર એસએ TOIને જણાવ્યું, “અમે સરકારને અમારા સ્ટોક માંથી લગભગ 40 લાખ ટન ઘઉં ખુલ્લા બજારમાં ઉપલબ્ધ કરાવવા વિનંતી કરી છે. તેમની પાસે જરૂરી બફર સ્ટોકિંગ ધોરણ કરતાં વધુ ઘઉં છે અને બજારમાં ઘઉંની ઉપલબ્ધતા વધતા ભાવમાં ઘટાડો કરશે. 1 એપ્રિલ 2023 માટે અંદાજિત સ્ટોક 11.3 મિલિયન ટન છે. બફર સ્ટોકની જરૂરિયાત 7.5 મિલિયન ટન છે. સરપ્લસ ઘઉં વેચવાની દરખાસ્ત સરકાર દ્વારા વિચારવામાં આવી રહી છે, પરંતુ હજુ સુધી અંતિમ નિર્ણય લેવામાં આવ્યો નથી.
