कबीरधाम : विभागातील युवा शेतकऱ्यांनी सरदार वल्लभभाई पटेल सहकारी साखर कारखान्याच्या प्रशासनाला शेतकऱ्यांच्या समस्यांबाबत निवेदन दिले. गेल्या तीन महिन्यांपासून ऊस बिले थकीत आहेत. त्यामुळे शेतकऱ्यांचे आर्थिक नुकसान झाले आहे. तातडीने बिलांचे वितरण करावे अशी मागणी निवेदनातून करण्यात आल्याचे शेष नारायण चंद्रवंशी यांनी सांगितले.
भास्करमध्ये प्रकाशित वृत्तानुसार डिसेंबर ते मार्च अखेरपर्यंत शेतकऱ्यांनी नऊ वेळा कारखान्याला ऊस पाठवला आहे. गुळ उद्यागोत उसाचा दर ४०० रुपये प्रती क्विंटल होता, तेव्हा साखर कारखान्याला ऊस पाठवला होता असे शेतकरी गुलशन चंद्रवंशी यांनी सांगितले. गुळ कारखान्याला ऊस पाठवला असता तर लगेच पैसे मिळाले असते. मात्र, साखर कारखान्याने अद्याप पैसे थकवल्याचे ते म्हणाले. तुषार चंद्रवंशी यांनी सांगितले की, शेतकऱ्यांच्या मेहनतीमुळे कारखाना उताऱ्यात पहिल्या क्रमांकावर आहे. तरीही शेतकऱ्यांना पैसे दिले जात नाहीत.
शेतकऱ्यांनी कारखान्याला १५ दिवसांचा अल्टिमेटम दिला. या मुदतीत पैसे न दिल्यास आंदोलनाचा इशारा देण्यात आला. यावेळीशेतकरी राजेश, कृष्णा, संदीप, थानेश, बिरबल, खेमलाल, लक्ष्मण, राहुल, अजय साहू, हिरेंद्र समेत आदी उपस्थित होते.
