संगारेड्डी : ऊस उत्पादक शेतकऱ्यांची सर्व थकीत बिले देण्याचे निर्देश जिल्हाधिकारी ए. शरत यांनी ट्रायडेंट शुगर्स लिमिटेडच्या व्यवस्थापनाला दिले आहेत. पोलीस अधीक्षक एम. रमन कुमार यांच्या उपस्थितीत ट्रायडेंट व्यवस्थापन, कामगार प्रतिनिधींसोबत झालेल्या बैठकीत जिल्हाधिकारी शरत यांनी प्रशासनाला सांगितले की, ऊसाचे खरेदी, उपलब्ध स्टॉक, ऊसाचा साठा, शेतकऱ्यांना दिलेल्या बिलाची आकडेवारी उपलब्ध करुन द्यावी.
जेव्हा प्रशासनाने तक्रार केली की, कामगार ऊस विक्रीत त्यांना सहकार्य करीत नाहीत, तेव्हा त्यांनी कर्मचाऱ्यांना कंपनीचा व्यवसाय सुरू ठेवण्याचा सल्ला दिला. कामगारांनाही त्यांच्या मुद्याची सोडवणूक केली जाईल असे सांगण्यात आले. त्यांनी पुढे सुचवले की, जर उद्योगातील काही अडचणी असतील तर कामगार आयुक्तांची कामगारांनी भेट घ्यावी. या बैठकीस अतिरिक्त जिल्हाधिकारी जी. वीरा रेड्डी, जिल्हा सहकारी वितरण समितीचे (डीसीएमएस) अध्यक्ष मलकापुरम शिव कुमार, ऊस विकास समितीचे अध्यक्ष उमाकांत पाटील, उप कामगार आयुक्त रविंदर रेड्डी, सहायक ऊस आयुक्त राजशेखर आणि इतर उपस्थित होते.
