सुल्तानपूर : जिल्ह्यातील खासदार मेनका गांधी यांच्यासोबत भाजपच्या चारही आमदारांनी गुरुवारी लखनौमध्ये मुख्यमंत्री योगी आदित्यनाथ यांच्या निवासस्थानी त्यांची भेट घेतली. सर्वांनी जिल्ह्यातील प्रमुख समस्या उपस्थित करताना त्या सोडविण्याची मागणी केली. खासदार आणि आमदारांनी मुख्यमंत्र्यांसमोर जिल्ह्यातील एकमेव किसान सहकारी साखर कारखान्याचे सशक्तीकरण आणि विस्तारीकरणाची एकमुखी मागणी केली.
लाईव्ह हिंदूस्थानमध्ये प्रकाशित वृत्तानुसार, मुख्यमंत्र्यांनी विधानसभा निवडणुकीदरम्यान साखर कारखान्याच्या सुविधा विस्ताराची घोषणा केली होती. मुख्यमंत्र्यांनी या आश्वासनावर लवकरात लवकर कार्यवाही करू असे सांगितले. बैठकीत खासदारांनी एक कोटी १५ लाख रुपये खर्चून उभारण्यात येत असलेल्या आधुनिक हॉस्पिटलमध्ये पशु चिकित्सालयाच्या देखभाल व इतर कामांसाठी ५४ लाख रुपयांच्या निधीची मागणी केली. खासदार गांधी यांनी मुख्यमंत्र्यांना जिल्हा हॉस्पिटल, ट्रामा सेंटर, हॉस्पिटलच्या इतर तरतुदींविषयीही मागणी केली.
