साखर कारखान्याची गाळप क्षमता वाढविण्याची मागणी

41

हसनपूर : साखर कारखान्यांनी लवकरात लवकर उसाची थकबाकी द्यावी अशी मागणी भारतीय किसान युनियनच्या बैठकीत करण्यात आली. आगामी गळीत हंगामात उसाचा दर ४५० रुपये प्रती क्विंटल करावा यांसह साखर कारखान्यांची गाळप क्षमता वाढविण्याची मागणी सदस्यांनी केली. याबाबत मंडई समितीच्या परिसरात झालेल्या बैठकीनंतर विविध मागण्यांचे निवेदन उप जिल्हाधिकाऱ्यांना देण्यात आले.

तालुका अध्यक्ष देवेंद्र सैनी यांनी सांगितले की लखनौ पॉवर कॉर्पोरेशनकडून खासगी पाणी योजनांवर मिटर बसवले जात असल्याने शेतकऱ्यांमध्ये संतापाची भावना आहे. शेतकऱ्यांना आधीच्या दराने पाणी बिल आकारणी केली गेली पाहिजे अशी आमची मागणी आहे. नवीन मंडईच्या परिसरात भू माफियांनी आंब्याची १५० झाडे केमिकलचा वापर करून नष्ट करण्याचा प्रयत्न केला. त्यांच्याविरोधात कारवाई करावी. मोफत कुपनलिका योजनेसाठी लाच मागितली जाते. अशांवर कडक कारवाई करावी. ग्रामीण भागात दररोज १८ तास वीज पुरवठा करावा, शेतकऱ्यांसाठी दीपपूर फिडर बसवावा, माछरा भगवानपूरमध्ये चोरी झालेला ट्रान्सफॉर्मर तातडीने लावावा अशी मागणी करण्यात आली.

यावेळी निजानंद महाराज, रुपचंद सिंह, अग्रसेन आर्य, सत्यप्रकाश, टेकचंद, रामपाल विश्वकर्मा, हरकेश सिंह, सूरज यादव, योगेंद्र सिंह, ओमचंद, दौलत, नरेश, पुष्पेंद्र, राजू चौहान आदी उपस्थित होते.
चीनीमंडी चे अपडेट्स व्हाट्सअप वर मिळवण्यासाठी खालील लिंक वर क्लिक करा
WhatsApp Group Link

LEAVE A REPLY

Please enter your comment!
Please enter your name here