सोलापूर : सांगोला तालुक्यातील धाराशिव साखर कारखाना युनिट नंबर ४ चे मिल रोलर पूजन करण्यात आले. यावेळी चेअरमन अभिजित पाटील यांनी आगामी हंगामात कमीत कमी ४ लाख मेट्रिक टन ऊस गाळप करण्याचे उद्दिष्ट ठेवल्याचे सांगितले. मिल रोलर पूजन दीपक पवार आणि त्यांच्या सुविद्य पत्नी मधुरा पवार यांच्या हस्ते करण्यात आले. यावेळी कारखान्याचे एमडी अमर पाटील, जनरल मैनेजर रविंद्र साळुंखे, मुख्य शेतकी अधिकारी जमीर काझी आदीसह अधिकारी, कर्मचारी उपस्थित होते. अभिजित पाटील यांनी १२ वर्षे बंद असलेला साखर कारखाना ३५ दिवसात सुरु केला. मागील दोन हंगाम यशस्वीपणे पार पाडले. यंदाचा तिसरा गाळप हंगाम यशस्वी करण्यासाठी कारखाना व्यवस्थापनाने तयारी सुरु केली आहे.
