महराजगंज: ऊस उत्पादक शेतकऱ्यांची होतेय निराशा

महराजगंज : जिल्ह्यातील ऊस उत्पादनापासून शेतकऱ्यांची निराशा होत आहे. सर्वेक्षणानुसार गेल्या वर्षी १७,६७३ हेक्टरमध्ये ऊस लागवड करण्यात आली होती. यंदा १५,९१८ हेक्टरमध्ये ऊस लागवड करण्यात आली आहे. गेल्या वर्षीच्या तुलने यावर्षी उसाच्या लागवडीत १,६५५ हेक्टरची घट दिसून आली आहे. याचा परिणाम ऊस उत्पादनावरही होणार आहे.

अमर उजालामध्ये प्रकाशित वृत्तानुसार जिल्ह्यातील ऊसाचे लागवड क्षेत्र घटू लागले आहे. विभागाकडून ऊस शेतीला प्रोत्साहन देण्यासाठी प्रयत्न सुरू आहेत. मात्र, विविध अडचणी लक्षात घेऊन शेतकरी या शेतीपासून दूर जात आहेत. काही ठिकाणी झालेल्या जोरदार पावसामुळे झालेल्या नुकसानीतून शेतकऱ्यांनी यंदा कमी लागवड केली आहे. तर काही ठिकाणी ऊस बिले उशीरा मिळत असल्याने शेतकऱ्यांचे मनोबल खचत आहे. या समस्या पाहून शेतकऱ्यांनी आपल्या ऊस शेतीचे क्षेत्र घटवले आहे. याशिवाय भविष्यात उत्पादकताही घटण्याची शक्यता आहे.

जिल्हा ऊस अधिकारी ओमप्रकाश सिंह यादव यांनी सांगितले की, हवामान आणि बिले देण्यात होणाऱ्या उशीरामुळे ऊस ऊस शेतीचे क्षेत्र घटले आहे. भविष्यात यामध्ये आणखी सुधारणा करण्यासाठी प्रयत्न सुरू आहेत.

LEAVE A REPLY

Please enter your comment!
Please enter your name here