कोल्हापूर : दालमिया भारत फौंडेशनच्या ग्राम परिवर्तन प्रकल्पांतर्गत दरेवाडी (ता. पन्हाळा) येथे मोफत वर्मी कंपोस्ट बेडचे वाटप करण्यात आले. रासायनिक खताच्या वाढत्या किमती आणि घटत चाललेले उत्पन्न याचा विचार करून शेतकऱ्यांना कंपोस्ट खताचे बेड देण्यात आले. पंचायत समितीचे तांत्रिक अधिकारी सुदर्शन पाटील यांनी शेतकऱ्यांना वर्मी कंपोस्ट बेड बसवण्यापासून खत तयार होईपर्यंतच्या प्रक्रियेचे प्रशिक्षण देण्यात आले. वर्मी कंपोस्ट बेड वाटपावेळी उपस्थित ‘दालमिया भारत’चे युनिट हेड एस. रंगाप्रसाद, एचआर हेड सुहास गुडाळे, प्रॉडक्शन हेड कनकसबाई, मनिकंदन, श्रीधर गोसावी, ऊस अधिकारी सरव्यवस्थापक संग्राम पाटील, शिवप्रसाद देसाई, सहाय्यक व्यवस्थापक दालमिया भारत फाउंडेशनचे नितीन कुरळुपे, प्रफुल्ल गायकवाड, अभिजित मिस्त्री, शुभम साळोखे, विष्णू गुरव यांच्यासह परिसरातील शेतकरी उपस्थित होते.
