नवी दिल्ली : इथेनॉलच्या मागणीत जबरदस्त वाढ पाहायला मिळत आहे. सरकारी आकडेवारीनुसार, वर्ष २०१९-२० मध्ये इथेनॉल उत्पादन १७३ कोटी रुपयांवरून वाढून ऑक्टोबर २०२० ते सप्टेंबर २०२१ या कालावधीत ३०२ कोटी लिटरपर्यंत पोहोचले आहे. अधिकाऱ्यांनी गुरुवारी सांगितले की, इथेनॉल मिश्रणात ६२ टक्क्यांची वाढ झाली आहे. हे वर्ष २०२०-२१ मध्ये ८.१ टक्के होते. तर २०१९-२० मध्ये ते अवघे ५ टक्के होते. ही उत्पादन क्षमता या वर्षी ३१ मार्च पर्यंत वाढून ८४९ कोटी लिटर झाली आहे.
आर्थिक वर्ष २०२१-२२ मध्ये विभागाने इथेनॉल व्याज सवलत योजनेंतर्गत नोडल बँक नाबार्डला १६० कोटी रुपये जारी केले आहेत. साखर उद्योगाला प्रोत्साहन देण्यासाठी केंद्र सरकारने अनेक नव्या योजना राबवल्या आहेत. साखर कारखान्यांना आर्थिक सहाय्य प्रदान केले आहे. त्यातून ऊस उत्पादकांना व्याज देणे शक्य झाले आहे.
साखर हंगाम २०१८-१९, २०१९-२० आणि २०२०-२१ मध्ये साखर कारखान्यांना निर्यात योजनांचा फायदा मिळाला आहे. बफर स्टॉकची निर्मिती आणि देखभालीसाठी इथेनॉल उत्पादन क्षमता वाढीची मदत मिळाली आहे. साखर कारखान्यांना कर्जही देण्यात आले आहे
