नाशिक : साखर कारखान्यांसाठी इथेनॉलचे उत्पादन अधिक फायदेशीर आहे, असे प्रतिपादन महाराष्ट्राचे राज्यपाल भगतसिंह कोश्यारी यांनी केले. यातून साखर कारखान्यांचे महसूल वाढणार असून शेतकऱ्यांच्या उत्पन्नातही वाढ होणार आहे. राज्य आणि केंद्र सरकार अनेक योजना लागू करीत आहे, शेतकऱ्यांनी त्याचा लाभ मिळविण्याची गरज आहे. कोश्यारी हे नाशिक येथील आरोग्य विज्ञान विद्यापीठाच्या राज्यस्तरीय कृषी पुरस्कार वितरण समारंभात बोलत होते.
ते म्हणाले की, आम्ही एकीकडे असे शेतकरी बघतो हे जे खूप प्रगत आहेत आणि ही खूप महत्त्वाची बाब आहे. जर हे चित्र बदलायचे असेल तर कृषी विद्यापीठांत होणारे संशोधन शेतकऱ्यांपर्यंत पोहोचविण्याची गरज आहे. यासोबतच देशाची आर्थिक राजधानीच्या रुपात ओळखल्या जाणाऱ्या महाराष्ट्राला देशाची कृषी राजधानी म्हणून नवी ओळख मिळवून देण्याची गरज आहे. या कार्यक्रमाला दृकश्राव्य माध्यमातून मुख्यमंत्री उद्धव ठाकरे, उपमुख्यमंत्री अजित पवार, महसूल मंत्री बाळासाहेब थोरात, कृषी मंत्री दादा भूसे, खाद्य, नागरी पुरवठा तथा ग्राहक मंत्री छगन भुजबळ आदी उपस्थित होते.
