बाजपूरमध्ये इथेनॉल उत्पादन युनिट: स्वामी यतीश्वरानंद

39

काशीपूर : बंद पडलेल्या काशीपूर साखर कारखान्याच्या शेतकऱ्यांची थकबाकी आणि कर्मचाऱ्यांचे थकीत वेतन सरकार देणार असल्याची माहिती ऊस मंत्री स्वामी यतीश्वरानंद यांनी दिली. गदरपूर साखर कारखाना पीपीपी तत्त्वावर सुरू केला जाईल. याशिवाय-, बाजपूरमध्ये इथेनॉल उत्पादनाचा कारखाना सुरू करण्याची तयारी असल्याची माहिती मंत्र्यांनी यावेळी दिली.

रुद्रपूर रोडवरील एका हॉटेलमध्ये पत्रकार परिषदेत बोलताना ऊस मंत्री स्वामी यतीश्वरानंद म्हणाले, साखर कारखान्यांचे गाळप पूर्ण झाल्यावर शेतकऱ्यांना ऊस बिले दिली जातील. बंद झालेल्या काशीपर कारखान्याकडे शेतकऱ्यांचे २७ कोटी रुपये थकीत आहेत. हे पैसे कसे द्यायचे याचा विचार सरकार करीत आहे. चार सहकारी साखर कारखान्यांनी इथेनॉल उत्पादन करण्यापेक्षा बाजपूरमध्ये साखर कारखान्याचे स्वतंत्र युनिट सुरू करण्याचा प्रयत्न आहे. सितारगंज साखर कारखाना पीपीपी तत्त्वावर सुरू राहील. गदरपूर कारखानाही अशाच पद्धतीने सुरू होईल. ऊस संशोधन केंद्राचाही आढावा घेतला जाणार असल्याचे सांगण्यात आले. यावेळी भाजप प्रदेश उपाध्यक्ष खिलेंद्र चौधरी, नगराध्यक्ष मोहन बिष्ट, प्रदेश कार्यकारिणी सदस्य राम मेहरोत्रा, जिल्हा उपाध्यक्ष गुरविंदर चंडोक, मनोज जग्गा, सुरेंद्र सिंह जीना आदी उपस्थित होते.

दरम्यान, जसपूरमध्येही ऊस मंत्र्यांनी नादेही साखर कारखान्याची पाहणी केली. कर्मचाऱ्यांच्या अडचणी सोडविण्याचे आश्वासन दिले. सप्टेंबरपर्यंत यंत्रसामुग्रीची दुरुस्ती पूर्ण करून ऑक्टोबरमध्ये गाळप सुरू करण्यास त्यांनी सांगितले. पाच वर्षे एकाच ठिकाणी असलेल्या कर्मचाऱ्यांच्या इतर विभागात बदल्या केल्या जाणार आहेत. आमदार आदेश चौहान यांनी पॉवर प्लांटचा विषय मांडला. तर माजी आमदार डॉ. शैलेंद्र मोहन सिंघल यांनी चीफ इंजिनीअरची मागणी केली. राज्यातील साखर कारखान्यांची आर्थिक स्थिती सुधारण्यासाठी प्रयत्न सुरू असल्याचे स्वामी यतीश्वरानंद यांनी सांगितले.

LEAVE A REPLY

Please enter your comment!
Please enter your name here