म्हैसूर: शेतकऱ्यांनी सोमवारी उपायुक्त कार्यालयासमोर ऊसाच्या FRPमध्ये वाढीची मागणी करत निदर्शने केली. आंदोलनकर्त्यांनी ओआरआर-नंजनगुड रोड जंक्शनजवळ महामार्ग रोखून धरला होता. आणि गेल्या आठवड्यात आपल्या मागण्यांच्या समर्थनाथ ‘उरुलु सेव’चे आयोजन केले होते.
कर्नाटक ऊस उत्पादक शेतकरी संघाच्या नेतृत्वाखाली सोमवरी निदर्शनांचे आयोजन केले होते. आंदोलनकर्त्यांनी दावा केला की, FRP बाबतच्या घोषणेस उशीर झाल्याने ३० लाखहून अधिक ऊस उत्पादक शेतकरी आर्थिक संकटात आहेत. उसाचा उत्पादन खर्च वाढला आहे. आणि केंद्र सरकारकडून जाहीर झालेली एफआरपी या उत्पादन खर्चाची पूर्तता करू शकत नाही. शेतकऱ्यांनी सांगितले की, सरकारने वारंवार सर्वांसोबत बैठकांचे आयोजन केले आणि किमतीचा आढावा घेण्याचे आश्वासन देत आहे. मात्र, ही आश्वासने फोल ठरली आहेत. कारण आतापर्यंत काही केले गेले नाही. शेतकऱ्यांनी राज्यभर निदर्शनांचे आयोजन केले होते. म्हैसूरशिवाय, चामराजनगरसह इतर सर्व जिल्ह्यातही आंदोलनाचे आयोजन करण्यात आले होते.
