सुवा : नॅशनल फेडरेशन पार्टीचे नेते, प्रोफेसर बिमान प्रसाद यांनी साखर स्थिरीकरण निधी (Sugar Stabilisation Fund) साठी बजेटमध्ये ३.८ कोटी डॉलरपर्यंत (fiji dollar) वाढविण्याचा प्रस्ताव संसदेत अपयशी ठरला आहे. प्रसाद यांनी ऊस उत्पादक शेतकऱ्यांना २०२२ या हंगामासाठी ८५ डॉलर प्रती टन हमीभाव देण्याच्या उद्देशाने हा प्रस्ताव मांडला होता. २०२२-२३ या बजेटबाबत साखर मंत्रालयाच्या मंजुरीबाबत झालेल्या चर्चेत प्रो. प्रसाद यांनी सांगितले की, हमीभावाप्रमाणे दर देण्यासाठी कोणतीही बजेटची तरतुद करण्यात आलेली नाही. त्यांनी सांगितले की, जर आपण योग्य तरतुद केली नाही, तर आम्ही शेतकऱ्यांना ८५ डॉलरचा हमीभाव देऊ शकणार नाही याची मला चिंता वाटते.
प्रो. प्रसाद यांच्या प्रश्नांना उत्तर देताना पंतप्रधान वोरेके बेनिमारामा यांनी सागितले की, आम्ही ऊस उत्पादकांना पूर्ण ८५ डॉलर प्रती टन दर देण्याचे आश्वासन आधीच दिले आहे. त्याची पूर्णपणे पूर्तता केली जाईल. ते म्हणाले की, ८ मिलियन डॉलरचा निधी पुरेसा आहे. अर्थमंत्री अयाज सैयद-सईद खैयूम यांनी सांगितले की, पंतप्रधानांनी गेल्या तीन ते चार वर्षांमध्ये ८५ डॉलर प्रती टनाची हमी दिली आहे. त्यानुसार आम्ही नेहमीच ८५ डॉलर दर शेतकऱ्यांना दिला आहे.
