નવી દિલ્હીઃ દેશમાં પિલાણની સિઝન ચરમસીમાએ છે, જો દેશમાં ખાંડનું ઉત્પાદન અંદાજ મુજબ રહેશે તો સરકાર નિકાસ ક્વોટા વધારવાનો નિર્ણય કરે તેવી શક્યતા છે.હાલમાં ખાંડનો નિકાસ ક્વોટા 60 લાખ ટન છે, અને ખાંડ ઉદ્યોગ અનુસાર તેને વધારવાની જરૂર છે. આ વર્ષે પણ દેશમાં ખાંડના વિક્રમી ઉત્પાદનનો અંદાજ છે અને વૈશ્વિક બજારોમાં ખાંડના ભાવ હજુ પણ ઊંચા છે. તેનો લાભ લેવા માટે ખાંડ ઉદ્યોગ નિકાસ ક્વોટા વધારવા સરકાર પાસે સતત માંગણી કરી રહ્યું છે. તમને જણાવી દઈએ કે ગયા વર્ષે ભારતે રેકોર્ડ 110 લાખ ટન ખાંડની નિકાસ કરી હતી.
ખાદ્ય સચિવ સંજીવ ચોપરાએ બુધવારે અહીં પત્રકારોને જણાવ્યું હતું કે અમે ખાંડની નિકાસની માત્રા વધારવા માટે હજુ સુધી કોઈ નિર્ણય લીધો નથી. અમે દેશમાં શરુઆતની સિઝનમાં ખાંડના ઉત્પાદન પર બારીકાઈથી નજર રાખી રહ્યા છીએ અને અંદાજિત ઉત્પાદનના અંતિમ આંકડા શું છે તેના આધારે અમે માર્ચમાં નિર્ણય લઈ શકીએ છીએ.તેમણે કહ્યું કે કેટલાક રાજ્યોમાં ખરાબ હવામાનને કારણે ખાંડનું ઉત્પાદન ઓછું થઈ રહ્યું છે. તાજેતરમાં, ઇન્ડિયન સુગર મિલ્સ એસોસિએશન (ISMA) એ જણાવ્યું હતું કે ચાલુ વર્ષમાં ખાંડનું ઉત્પાદન 5 ટકા ઘટીને 340 લાખ ટન થવાનો અંદાજ છે કારણ કે ઇથેનોલના ઉત્પાદન માટે વધુ શેરડીના રસનો ઉપયોગ કરવામાં આવી રહ્યો છે. વર્ષ 2021-22માં ખાંડનું ઉત્પાદન 358 લાખ ટન હતું.
