भोगपूर : पंजाब कृषी विद्यापीठ लुधियाना आणि कृषी विभाग पंजाब (ऊस विभाग) यांच्या सहकार्याने भोगपूर सहकारी साखर कारखान्याकडून ऊस उत्पादक शेतकऱ्यांना मार्गदर्शन करण्यात आले. सर व्यवस्थापक अरुण कुमार अरोरा व चेअरमन परमवीर सिंह पम्मा यांच्या उपस्थितीत खासगी कार्यालयात शेतकऱ्यांसाठी ही कार्यशाळा झाली. यावेळी पंजाब अॅग्रीकल्चर युनिव्हर्सिटीच्या विभागीय केंद्र कपूरथलाचे डॉ. गुलजार सिंह संघेडा, डॉ. ओंकार सिंह होशियारपूर, जालंधरचे सहाय्यक ऊस विकास अधिकारी डॉ. गुरिदरजीत सिंह यांनी शेतकऱ्यांना माहिती दिली.
जागरण डॉट कॉमवर प्रकाशित वृत्तानुसार, डॉ. गुलजार सिंह संघाडा यांनी शेतकऱ्यांना उसाच्या ९५,९६, १५०२३, ९८ या प्रजातींबाबत माहिती दिली. डॉ. गुरिदरजीत सिंह यांनी शेतकऱ्यांना अनावश्यक खर्चावर कसे नियंत्रण ठेवावे याबाबत मार्गदर्शन केले. मुख्य ऊस विकास अधिकारी सुखदीप सिंह कैरो यांनी भोगपूर कारखान्याच्या आयोजनाबाबत कौतुक केले. या कार्यक्रमात भोगपूरचे पोलीस अधिकारी प्रेम बहादर सिंह, इंद्रजित सिंह बैस, गुरविंदर सिंह, गुरमोहित सिंह संधर, सुखदेव सिंह अटवाल, इंद्रजीत सिंह बैस, गुरविदर सिंह, गुरमोहित सिंह संधर, सुखदेव सिंह अटवाल, गुरमीत सिंह काहलो, दलजीत सिंह काहलो, कुलवीर सिंह काहलो, नंबरदार सतिदरपाल सिंह सिद्धू, सरपंच हरमिदर सिंह सिघपुर आदींसह दोनशे शेतकरी उपस्थित होते.
