ચંદીગઢ: હરિયાણાના કૃષિ મંત્રી જે.પી.દલાલે જણાવ્યું હતું કે, રાજ્ય અને કેન્દ્ર સરકારો ખેડૂતોના હિત માટે કટિબદ્ધ છે અને તે દિશામાં સતત કામ કરી રહી છે. 2022 સુધીમાં ખેડૂતોની આવક બમણી કરવાનું અને ખેડૂતોને આર્થિક સક્ષમ અને મજબૂત બનાવવાનું સરકારનું લક્ષ્ય છે.
મંત્રી દલાલે સોમવારે તેમના નિવાસ સ્થાને આવેલા ખેડુતોના પ્રતિનિધિમંડળ સાથે તેમની સમસ્યાઓ વિશે ચર્ચા કરી હતી. શેરડીના ભાવમાં વધારા અને વીજળીના દરમાં વધારા અંગે ખેડૂત પ્રતિનિધિ મંડળ દ્વારા કરવામાં આવેલી માંગણીઓ અંગે ચર્ચા કરતી વખતે તેમણે કહ્યું કે, ખેડૂતોની સમસ્યાઓ અંગે ચર્ચા કરવા તેમના દરવાજા હંમેશા ખુલ્લા રહે છે. તેમણે જણાવ્યું હતું કે, ખેડૂતોની સમસ્યાઓનું નિરાકરણ લાવવામાં આવશે. તેમણે કહ્યું કે, ખેડૂતોના નામે રાજકારણ કરનારાઓને ખેડૂતોના કલ્યાણમાં રસ નથી. તેથી, ખેડૂતોએ સમજી લેવું જોઈએ કે તે ભાજપ સરકાર છે જે તેમના ભલા માટે કામ કરી રહી છે.
