थिम्पू : भूतान सरकारकडून मिळालेल्या विनंतीला सकारात्मक प्रतिसाद देत, भारताने भुतानला गहू आणि साखरेच्या निर्यातीवर विशेष व्यापार सवलत दिली आहे, असे भूतानमधील भारतीय दुतावासाने म्हटले आहे. आता ५,००० मेट्रिक टन गहू आणि १०,००० मेट्रिक टन साखर भुतानच्या खाद्य निगम लिमिटेड आणि भुतानमधील इतर प्रमुख उद्योगांकडून आयात केली जाईल. या वर्षीच्या सुरुवातीला जागतिक बाजारपेठेत झालेल्या अचानक बदलांमुळे गहू आणि साखरेच्या किमती आणि उपलब्धता यांच्यावर परिणाम झाल्यामुळे भारत सरकारने देशाच्या अन्न सुरक्षेला मजबूत करण्यासाठी या दोन्ही वस्तूंच्या निर्यातीवर निर्बंध लागू केले होते. मात्र, भुतानसोबतचे विशेष आणि मैत्रिपूर्ण संबंध लक्षात ठेवताना, भारत सरकारने गहू आणि साखरेसाठी भुतानच्या शाही सरकारकडून मिळालेल्या विनंतीवर सकारात्मक प्रतिसाद दिली आहे. यापूर्वी भारताने भुतानला विविध व्यापारी सवलती दिल्या आहेत. ज्यामध्ये केवळ भुतानकडून बटाट्याच्या आयातीवर निर्बंध हटवणे, भुतानकडून ताज्या, पूर्ण उत्पादित आल्ले यांच्या आयातीस परवानगी देणे, खास सवलतीच्या दरात भुतानला नॅनो युरिया, नॅनो नायट्रोजन खत (तरल) चा पुरवठा करणे आणि भुतानला कोळशाचा पुरवठा याचा समावेश होता.
दोन्ही देशांमधील राजकीय संबंधांना औपचारिक रुपात १९६८ मध्ये भुतानच्या राजधानी थिम्पूमध्ये भारताकडून एक निवासी प्रतिनिधींच्या नियुक्तीसोबत स्थापन करण्यात आले होते. इंडिया हाऊस (भुतानमधील भारतीय दुतावास) चे उद्घाटन १४ मे १९६८ रोजी झाले होते. आणि १९७१ मध्ये रेजिडेंट प्रतिनिधींचे आदान-प्रदान करण्यात आले होते. राजदुतांच्या स्तरावरील संबंध १९७८ मध्ये निवासी दुतावास अपग्रेड करून सुरुवात करण्यात आली होती. भारत आणि भूतान यांच्यातील द्विपक्षीय संबंधांचा आधार १९४९ च्या भारत-भूतान कराराने तयार केला आहे. यातून परस्पर नागरिकांसाठी समान न्याय आणि मुक्त व्यापार सुविधा दिल्या जातात. भारत नेपाळ आणि भुतानला परस्पर विश्वास आणि सहकार्याची आपली हिमालयीन परराष्ट्र नितीमधील महत्त्वपूर्ण सीमा मानतो.
