नवी दिल्ली : देशात चालू हंगाममध्ये १५ जानेवरी २०२४ अखेरपर्यंत साखर उत्पादन १४९.५२ लाख टनावर पोहोचले आहे, अशी माहिती ISMAने दिली आहे. मागील वर्षी समान कालावधीत साखर उत्पादन १५७.८७ लाख टन होते. गेल्यावर्षी समान कालावधीत ५१५ कारखाने सुरू होते. त्या तुलनेत यावर्षी कार्यरत असलेल्या कारखान्यांची संख्या ५२० आहे.
ISMA ने या महिन्याच्या अखेरपर्यंत साखर उत्पादनाबाबतचे दुसरे अग्रीम अनुमान जारी केले आहे.तथापि, अहवालानुसार अलीकडचे हवामान ऊस पिकासाठी अनुकूल आहे आणि उत्तर प्रदेश, महाराष्ट्र आणि कर्नाटक यांसारख्या प्रमुख राज्यांच्या ऊस आयुक्तांनी २०२३-२४ या हंगामासाठी त्यांच्या साखर उत्पादन अंदाजात ५ – १० % ने सुधारणा केली आहे. याशिवाय पुढील वर्षीचा पिकाचा अंदाज महिन्याभरापूर्वीच्या अंदाजापेक्षा चांगला दिसतो आहे.
ISMA च्या मते, चालू हंगामात साखरेचे उत्पादन पूर्वीच्या अपेक्षेपेक्षा जास्त असू शकते. त्यानुसार, ISMA ने सरकारला इथेनॉल उत्पादनासाठी अतिरिक्त १०-१२ लाख टन साखर वळवण्याची परवानगी देण्याची विनंती केली आहे. इथेनॉल उत्पादनासाठी जादा साखरेला परवानगी दिल्यानंतरही उर्वरित साखर पुढील हंगामात काही महिन्यांसाठी पुरेल, असा दावा ISMA ने केला आहे.
ISMA ने म्हटले आहे की, सरकारने अलीकडेच मक्यापासून बनवलेल्या इथेनॉलसाठी प्रोत्साहन जाहीर केले होते. परंतु ऊसाचे पीक पाणी/पोषक घटक/जमीन वापर किंवा कार्बन जप्तीच्या बाबतीत मक्यापेक्षा अधिक कार्यक्षम असल्याने आणि अधिक समर्थनास पात्र आहे. २०२३-२४ साठी उसाचा रस/सिरप, बी-हेवी मोलॅसेस आणि सी-हेवी मोलॅसेसपासून उत्पादित इथेनॉलच्या खरेदी किंमतीतील सुधारणादेखील त्वरित जाहीर करण्यात याव्यात, अशी मागणी ISMA ने केली आहे.
