बेंगळुरू : उसाच्या उच्च योग्य आणि लाभदायी दराच्या (FRP) मागणीसाठी म्हैसूर आणि इतर जिल्ह्यांत सुरू असलेले आंदोलन २२ नोव्हेंबर, मंगळवारपासून जिल्हा केंद्रांतून बेंगळुरूमध्ये स्थलांतरीत करण्यात येणार आहे. Karnataka Sugarcane Cultivators Association चे अध्यक्ष कुरुबुर शांता कुमार यांनी याची घोषणा केली. ते म्हणाले की, आमच्या मागण्यांबाबत दबाव वाढविण्यासाठी मुख्यमंत्र्यांच्या निवासस्थानासमोर २४ तास धरणे आंदोलन सुरू केले जाईल.
शांताकुमार यांनी जादा FRP ची घोषणा करण्यास उशीर करण्याच्या धोरणाबाबत राज्य सरकारवर टीका करताना सांगितले की, काही दिवसांपूर्वी साखर मंत्री शंकर पाटील मुनेनकोप्पा यांनी शेतकऱ्यांना ‘चांगली बातमी’ मिळेल असे सांगितले होते. मात्र, आतापर्यंत कोणतीही घोषणा करण्यात आलेली नाही. शेतकऱ्यांची दिशाभूल केली जात असल्याचा आरोप त्यांनी केला. आणि त्यांना आंदोलन सोडून देण्यासाठी फूस लावली जात आहे. मात्र, आम्ही मागे हटणार नाही. शांताकुमार यांनी सांगितले की, ऊस उत्पादक शेतकरी गेल्या चार महिन्यांपासून आपल्या मागण्यांसाठी आंदोलन करीत आहेत. मात्र, सरकारने शेतकऱ्यांच्या प्रश्नांप्रती उदासिनता कायम ठेवली आहे.
ते म्हणाले की, राज्यात ३० लाखांहून अधिक ऊस उत्पादक शेतकरी आहेत. सरकार शेतकऱ्यांचे हित जपण्याचा दावा करते. मात्र, त्यांच्या समस्यांकडे दुर्लक्ष केले जात आहे.
