नैरोबी : मुमियास शुगर कंपनीच्या (मुमियास साखर कारखाना) पुनरुज्जीवनासाठी शेतकरी कोणत्याही गुंतवणूकदाराचे स्वागत करण्यास सज्ज आहेत. भरमसाठ कर्ज, गैर व्यवस्थापन आणि कच्च्या मालाचा अपुरा पुरवठा यामुळे गेल्या दोन वर्षांपासून कारखाना बंद आहे. कारखान्याचे पुनरुज्जीवन झाल्यास शेतकऱ्यांसमोरील आर्थिक अडचणी तसेच कारखाना बंद झाल्यानंतर नोकऱ्या गमवाल्याने झालेल्या नुकसानीतून, उत्पन्नाच्या चिंतेपासून सुटका होऊ शकते, असे शेतकऱ्यांचे म्हणणे आहे.
याबाबत, नवाखोलो सबकाउंटीतील बोनी वांगवे म्हणाले, गुंतवणूकदार कोण आहे याचा शेतकऱ्यांना फारसा फरक पडणार नाही. जेव्हा कारखाना सुरू होईल, तेव्हा ते आपला ऊस पुरवठा करण्यास सज्ज आहेत. कारखाना बंद पडल्याने जे शेतकरी ऊसावर अवलंबून होते, त्यांना मोठा आर्थिक फटका बसला आहे.
याबाबत बोनिफेस मांडा यांनी सांगितले की, सद्यस्थितीत कारखान्याच्या पुनरुज्जीवनासाठी शेतकरी कोणत्याही गुंतवणूकदाराचे स्वागत करण्यात तयार आहेत. मात्र, गुंतवणूकदार निवडीच्या योग्य प्रक्रियेचे पालन झाले होते. एकदा गुंतवणूकदाराची निवड झाल्यानंतर त्यांनी कारखान्याच्या पुनरुत्थानासाठी प्रयत्न करून शेतकऱ्यांच्या हिताला प्राधान्य दिले पाहिजे. गुंतवणूकदारांनी शेतकऱ्यांसमोरील अडचणी सोडविल्या पाहिजेत अशी आमची अपेक्षा आहे. ऊस उत्पादक शेतकऱ्यांच्या केनिया नॅशनल फेडरेशनचे उपसचिव सायमन वेसेचेरे यांनी सांगितले की, शेतकरी आणि गुंतवणूकदार यांच्या पुनरुद्धाराची गरज आहे. कारण, राजकीय नेत्यांची फक्त २०२२ च्या निवडणुकीवर नजर असल्याचे दिसते.
चीनीमंडी चे अपडेट्स व्हाट्सअप वर मिळवण्यासाठी खालील लिंक वर क्लिक करा
WhatsApp Group Link
