लंडन : अल निनो (El Nino) पुन्हा परतला आहे आणि या वर्षी जगभरातील हवामानच्या श्रृंखलेवर त्याचा परिणाम होवू शकतो. तज्ज्ञांच्या म्हणण्यानुसार, एल निनो भारत आणि थायलंडमधील साखर उत्पादनावर परिणाम करू शकतो आणि ब्राझीलमध्ये ऊस पिकही बाधित करू शकतो. जगातील द्वितीय क्रमाकांच्या व्हिएतनाममधील कॉफी उत्पादनावरही परिणाम शक्य आहे.
रॉयटर्समध्ये प्रकाशित वृत्तानुसार, युएस नॅशनल ओशनिक अँड ॲटमॉस्फेरिक ॲडमिनिस्ट्रेशनचे क्लायमेट प्रेडिक्शन सेंटर (U.S. National Oceanic and Atmospheric Administration’s Climate Prediction Center) द्वारे गुरुवारी जारी एका सल्ल्यानुसार, तीन वर्षानंतर ला नीना जलवायू पॅटर्न (La Nina climate pattern) नंतर जो जागतिक तापमानावर परिणाम करतो, तप्त अल निनो परतला आहे. अल निनो दक्षिण अमेरिकेच्या किनारपट्टीजवळ प्रशांत क्षेत्रात असामान्य रुपात गरम पाण्यामुळे निर्माण झाला आहे.
क्लायमेट प्रेडिक्शन सेंटरने म्हटले आहे की, मे महिन्यात कमजोर अल निनोची स्थिती भूमध्यरेखीय प्रशांत महासागरात तापमानाच्या रुपात समोर आली आहे. गेल्यावेळी २०१६ मध्ये जेव्हा एल निनो आला होता, तेव्हा जगाने सर्वाधिक उष्ण वर्ष पाहिले होते. ऑस्ट्रेलियाने या वर्षी एल निनो निर्माण होण्याची शक्यता ७० टक्के असल्याचे बुलेटिनमध्ये म्हटले आहे.
एल निनोमुळे पूर्ण आशियातील अन्न उत्पादनांसाठी धोक्याची स्थिती आहे. तर अमेरिकन उत्पादक गंभीर दुष्काळाचा प्रभाव कमी करण्यासाठी हवामानातील घटनांपासून जोरदार पावसावर भरवसा ठेवत आहेत. रिपोर्ट जारी झाल्यानंतर गुरुवारी साखर आणि कॉफीच्या वायदा भावात तेजी आली. अमेरिकन साखर व्यापाऱ्यांनी म्हटले आहे की, हे वृत्त किमती कमी करतील याच्या प्रतीक्षेत असलेल्या खरेदीदारांना त्रासदायक ठरेल.
अल निनोमुळे पिक उत्पादन ऑस्ट्रेलियात उच्चांकापासू ३४ टक्के घसरू शकते आणि इंडोनेशिया, मलेशिया आणि थायलंडमध्ये ताडाचे तेल, तांदूळ उत्पादनावर परिणाम करू शकते. भारतात मान्सूनच्या पावसावर सर्व काही अवलंबून असेल. सद्यस्थितीत देशाच्या उत्तर-पश्चिम भागात सामान्यपेक्षा कमी पावसाचे अनुमान आहे.
